ຊົ່ວໂມງຮຽນເຮັດອາຫານຢູ່ຟາມອໍການິກ

ກິດຈະກໍາເຄິ່ງວັນນີ້ເໝາະສົມສໍາລັບນັກເດີນທາງທີ່ຕ້ອງການຮຽນຮູ້ການເຮັດອາຫານລາວ ແລະ ຮຽນຮູ້ວ່າຄົນລາວໃຊ້ວັດຖຸຈາກທໍາມະຊາດແນວໃດ ລວມໄປເຖິງວິທີການແບບດັ້ງເດີມໃນການປູກພືດ ແລະ ລ້ຽງສັດອີກດ້ວຍ.

ລະ​ດັບ​ຄວາມ​ຫຍຸ້ງ​ຍາກ:

ເວລາ 8 ໂມງ 30 ຕອນເຊົ້າ, ເຮົາຈະພາທ່ານໄປອໍການິກຟາມທີ່ຕັ້ງຢູ່ໃນໝູ່ບ້ານພູດິນແດງ, ຫ່າງຈາກວັງວຽງໄປທາງທິດເໜືອປະມານ 4 ກມ. ດ້ວຍເຮືອຈາກໂຮງແຮມ ຣີສອດ ບູຕິກ ລີເວີຊາຍ.

ຫຼັງຈາກໄດ້ຮັບເຄື່ອງດື່ມຕ້ອນຮັບ, ທ່ານສາມາດເຂົ້າຊົມອໍການິກຟາມ ຊຶ່ງເປັນສູນກາງສໍາລັບການປູກຝັງລ້ຽງສັດ ທີ່ມີການຜະລິດຕົ້ນມ່ອນອໍການິກ ພ້ອມດ້ວຍໝາກໄມ້ອໍການິກ, ຜັກ, ສັດປີກ, ແລະ ຊິສແກະ ອີກດ້ວຍ.

ຈາກນັ້ນທ່ານຈະໄດ້ຮຽນຮູ້ກ່ຽວກັບສ່ວນປະສົມ ແລະ ລົດຊາດຕ່າງໆທີ່ເຮັດໃຫ້ອາຫານລາວມີຄວາມພິເສດ ຕາມດ້ວຍການຈັດຕຽມອາຫານລາວຫຼາກຫຼາຍ ເມນູ ໂດຍໃຊ້ຜະລິດຕະພັນອໍການິກທີ່ທ່ານເປັນຄົນເລືອກດ້ວຍຕົວເອງ.

ນີ້ຄືຕົວຢ່າງອາຫານທີ່ທ່ານອາດຈະໄດ້ລອງ ໂດຍຂຶ້ນກັບລະດູການນັ້ນ, ລວມເຖິງ: ເທມປຸຣະໃບມ່ອນ (ສະເພາະໃນຟາມອໍການິກ), ແຈ່ວໝາກເຂືອ ຫຼື ແຈ່ວເຫັດ, ແກງໜໍ່ໄມ້ ຫຼື ແກງຜັກແບບລາວເດີມ – ແກງຂຽວຫວານ, ແລະ ອື່ນໆ.

ສ່ວນອາຫານທ່ຽງນັ້ນ ຈະເສີບທີ່ຮ້ານອາຫານອໍການິກຟາມ ຊຶ່ງທ່ານຈະມີໂອກາດໃນການຈັດຫາຂອງທີ່ລະນຶກໃນທ້ອງຖິ່ນຊຶ່ງສະໜັບສະໜູນການພັດທະນາຊຸມຊົນ.

ຈາກນັ້ນ, ທ່ານຈະເດີນທາງກັບດ້ວຍລົດຕຸກໆໄປເຖິງໂຮງແຮມ ຣີສອດ ບູຕິກ ລີເວີຊາຍ ໃນຊ່ວງບ່າຍ ເພື່ອພັກຜ່ອນ ແລະ ໃຊ້ເວລາສ່ວນຕົວທີ່ສະລອຍນໍ້າ.