ພາບລວມ

ໂຮງແຮມ ລີເວີຊາຍ ບູຕິກ ຣີສອດ ຕັ້ງຢູ່ແຄມແມ່ນໍ້າຊອງ ທີ່ ສວຍງາມ ຊຶ່ງເປັນໂຮງແຮມຫຼູຫຼາ ທີ່ໄດ້ຮັບລາງວັນ ຫຼາຍລາງວັນທີ່ມີສະເໜ ແລະ ເອກະລັກສະເພາະຕົວ. ໂຮງແຮມດັ່ງກ່າວນີ້ ຕັ້ງຢູ່ອ້ອມຮອບໜຶ່ງໃນສະລອຍນໍ້າ ທີ່ງົດງາມ ຢູ່ປະເທດລາວ, ແລະ ມີວີວທິວທັດທີ່ງົດງາມທີ່ເຫັນພູເຂົາຫີນປູນທີ່ອ້ອມດ້ວຍປ່າໄມ້.

ໂຮງເເຮມ ລວມມີ ສາມສິບສີ່ (34) ຫ້ອງ ພ້ອມດ້ວຍລະບຽງຂະໜາດໃຫຍ່ຕັ້ງຢູ່ພາຍໃນສວນທີ່ຕົກແຕ່ງຢ່າງສວຍງາມ. ແຕ່ລະຫ້ອງ ມີການອອກແບບ ທີ່ມີສະໄຕ ແລະ ການປະສົມປະສານ ລະຫວ່າງ ທັງເຟີນີເຈີ ທີ່ເຮັດດ້ວຍໄມ້ ແລະ ເຮັດດ້ວຍຫວາຍ, ການຕົກແຕ່ງດ້ວຍເຄື່ອງປະດັບເຟີນີເຈີເເບບນຸ້ມນວນທີ່ສະເເດງໃຫ້ເຫັນເຖິງປະເພນີຂອງກຸ່ມຊົ່ນເຜົ່າທັງແປດຊົ່ນເຜົ່າ, ງານສິລະປະທີ່ແທ້ຈິງ ແລະ ງານສີມື ແລະ ຫັດຖະກໍາ ທີ່ປະດິດສ້າງໂດຍນັກສິລະປິນ ແລະ ຊ່າງສີມືທ້ອງຖິ່ນ ຂອງປະເທດລາວ. ສະປາສະໝຸນໄພ ກໍເເມ່ນພາກສ່ວນໜຶ່ງຂອງໂຮງແຮມ, ທີ່ປະກອບດ້ວຍສາລາແບບດັ້ງເດີມສາມຫຼັງ ທີ່ສາມາດເເນມເຫັນພູເຂົາໄດ້.

ນອກຈາກການສະແດງໃຫ້ເຫັນເຖິງຄວາມຫຼາກຫຼາຍທາງວັດທະນະທໍາ ແລະ ທໍາມະຊາດຂອງປະເທດລາວ, ຣີສອດໃຫ້ບໍລິການໃນຮູບແບບທີ່ຈໍາເປັນສໍາລັບການພັກຜ່ອນຈາກມື້ທີ່ມີບັນດາກິດຈະກໍາກາງແຈ້ງ.

ພຽງແຕ່ໃຊ້ເວລາ ໃນການຍ່າງ ສິບ (10) ນາທີ ກໍ່ຮອດໃຈກາງເມືອງ ແລະ ຂົວໄມ້ໄຜ່ທີ່ຖັດຈາກທີ່ພັກ ນໍາໄປສູ່ໝູ່ບ້ານທີ່ ຕັ້ງຢູ່ແຄມຕາເວັນຕົກ ຊຶ່ງເປັນຈຸດເລີ່ມຕົ້ນທີ່ດີເລີດ ເພື່ອສໍາຫຼວດວິຖີຊີວິດຊົນນະບົດດ້ວຍການຍ່າງ ຫຼື ດ້ວຍການຂີ່ລົດຖີບ.